Yun akale tumhare bina

Yun akale tumhare bina
jiyen kaise bataao tum
maar daale na hum ko kahin
tanhaai ka jaalim ye gum

saath marne ke kasme na khaa
saath marne ka vaada na kar
pyaar karna hai ibaadtey khuda
ho sake to sirf pyaar kar
tu tab tak wafa ko nibha
rahe jab tak tere dam men dam
maar daale na hum ko kahin.........

ho jaati hai jindgi fanaa
pyaar rahta hai jinda sada
na hraa paaye kaza bhi ese
jinda rahti hamesha wafa
bas muhabbat ke do bol se
simran" bhar jaate riste zakham
maar daale na hum ko kahin.............

jab janaaza mera uthe
na bahaana kabhi ashq tum
na nibha paaye saath hum tera
maaf karna dena bakhsh tum
phir milenge ye wada raha
phir lenge dubaara janam
maar daale na hum ko kahin.............

raat andheri aur veeraan hai
dil bahut hi pareshaan hai
sabar kab tak main tanha karoon
nikli jaati meri jaan hai
na sataao hume sanam
aa bhi jao akele hain hum
maar daale na hum ko kahin..............

Yahi wo pavan bhoomi hai

yahi wo pavan bhoomi hai, jise hindustaan kahte hain

humi kya dunia kahti hai, yahan bhagvaan rahte hain

himaalaya hai mukaat es ka ,pavitar ganga ki dhara hai

paharooan se samunder tak ,ye sara desh humaara hai

jo toofanoo se takraaye,yahaan wo insaan rahte hain

humi kya dunia...............

yahan mahaveer swami ne ,ahinsha dharm sikhlaaya hai

yahan goutam aur nanak ne,hume pyaar karna batlaaya hai

yahan jharne mohabbat ke, harek dil men hi bahte hain

humi kya dunia.................

bahaaya khoon bhi humne,chade hain suliyaan hanskar

mohabbat ko jhookaya sar,pakri talvaaren bhi hain kaskar

"simran " wo log hai bujdil,yahan jo Zulm sahte hain

humi kya dunia..................

Chaha tumhe kitna

Itne bade es jag men,koi nahi apna

tum ko iska aabaash nahi hai,

chaha tumhe kitna

tumko pooja hirday se humne,

yug-yug se tum meet humare

kise tumhe vishvaash dilaayen,

janam-janam se hum hain tumhare

tum he kavita,tum he prerna,

tum he meri kalpana

itne bade jag.........

badti jati kyun ye doori,

sapne men he mil nahi paate

kya milta hai tumko nishtoor,

kyun tum hum ko nit he satate

jeevan ka udayesh hai kewal,

naam tera japna

itne bade jag...........

mil na sake hum kabhi jeevan men,

hum hain sarita ke do kinaare

likhey vidhi ne kaise "simran",

ashroo men doobey bhaagay humaare

poora na ho paayega mera,

es janam ka sapna

itne bade jag............

Tumhe yaad kar kar ke

Tumhe yaad kar kar ke es kadar royee hoon main

na jane kab se kitni raatoan se nahi soyee hoon main

yaad aaye tumhari "simran"to tarap ke ro de

tumhare jaane ke baad khoyee-khoyee hoon main

Dosti to bas dosti hai

Dosti to bas dosti hai ae mere mahboob

dosti na ameer hoti hai na gareeb hoti hai

hum tumse jitna door chale jate hai "simran"

tumhari chah utni hi sadeed hoti hai

khoshiyon ke ujalon se bhara hai

Tumhara ghar to khoshiyon ke ujalon se bhara hai

mere naseeb men sirf gamon ka andhera hai

tamaam raat to maatam manaate huye guzri hai

aaj dekhenge "simran" kaisa savera hai

Har dil ki kahani badi ajeeb hoti hai

Har dil ki kahani badi ajeeb hoti hai

jisam door rahte hain per rooh kareeb hoti hai

tere bagair to mera vajood hi nahi "simran"

har shab men bas teri hi deed hoti hai

Hum hi tanha nahi aur bhi hain,

Hum hi tanha nahi aur bhi hain, es sahar men

jinki kasti hai doobi hui,gum ke bhanwar men

Hum nahi bool paye hain ab tak,wo din aur raat

unse wo pahli mulaaat,jo hui the safar men

Humne to unko paane ki,koshishe bahut ki the

ye alag baat hai ke,wo nahi the mere muqadar men

Laakh chahkar bhi ab main,muskra nahi pati hoon

kya karoon itne zakham pare hain,humare jigar men

Har dafah ho jati hoon main,naakaam unko bhoolane men

wo kuch is tarah se bas gaye hain.mere tasvoor men

Ab unke bagair jeena, mumkin nahi ae-simran

esliye doob rahi hoon fir main,yaadoan ke samunder men

Is zamaane men tere bina

Is zamaane men tere bina ,kabhi mera guzar nahi hoga

shab-e-gum hogi magar,khushion ka sahar nahi hoga

teri yadoon aur khayalon se,dil bahlaa lete hain

kab tak aise jiye,aise kabhi sabar nahi hoga

teri zulfooan k saaye men kaas guzarti meri shaamey

us tanhai men mere siva tere sang koi bashar nahi hoga

sochti hoon tum akale akale kaise rahte honge

ae dost kya tu kabhi mera muntzar nahi hoga

Aap ke dil men kya hai bata dijiye

Aap ke dil men kya hai bata dijiye

yun na khamosh rah ke saza dijiye

bahut tarpe hain rah kar hum tanha

gale ab to hume bhi laga lijiye

hosh jate rahe na humare kahin

itni shiddat se may na piya kijiye

hum hain deewane simran sirf aapke

itni nafrat na humse kiyaa kijiye